Infopress

Prishtinë, 15 korrik

Ministri i Mjedisit dhe Planifikimit Hapësinor, Mahir Yagcilar, dhe zv/ministri Idriz Vehapi, kanë pritur studentët e Universitetit Veror të Prishtinës, kursi 19-të, i cili ka të bëjë pikërisht me edukimin dhe ndërgjegjësimin mjedisor.

Grupi i studentëve përbëhej nga studentë nga Shqipëria, Maqedonia, Bosnja dhe Hercegovina, si dhe studentë të universiteteve të Republikës së Kosovës.

Pasi i përshëndeti dhe u uroi suksese në studime, ministri Yagcilar i njoftoi studentët më punën aktivitete, projektet dhe fushën e legjislacionit mjedisor.

“Mjedisi është një çështje shumë komplekse dhe çështje që nuk njeh kufij, prandaj bashkë me ju, gjeneratat e reja, do të bëjmë punë edhe më të mira për ruajtjen dhe mbrojtjen e mjedisit”, tha ministri Yagcilar.

I pyetur nga studentët për projektet konkrete mjedisore, ministri Yagcilar potencoi projektin për vendosjen e stacioneve për monitorimin e ajrit, si projektin më të rëndësishëm në këtë kohë, krahas shumë projekteve të tjera që janë në realizim e sipër. “Rrjetin e stacioneve për monitorimin e ajrit do ta shtrijmë në mbarë territorin e Republikës së Kosovës dhe kështu do të jemi në hap me të gjitha shtetet e botës”, tha ministri Yagcilar.

Në fund të kësaj vizite, drejtori i Departamentit për Mbrojtjen e Mjedisit, z. Muhamet Malsiu, bëri një prezantim të hollësishëm për tërë punën e gjertanishme të MMPH-së.

Vendose në: